بعد تعرضه للانتقاد.. دنيا سامي تدافع عن مصطفى غريب: "هو ضهري في الحياة"

في خطوة مفاجئة، خرجت الفنانة دنيا سامي عن صمتها لتدافع بقوة عن زميلها الفنان مصطفى غريب، وذلك بعد تعرضه لهجوم واسع على خلفية تصريحاتها في برنامج "صاحبة السعادة" مع الإعلامية إسعاد يونس.

وعبر صفحتها الرسمية على موقع "فيسبوك"، وجهت دنيا سامي رسالة واضحة لكل من هاجم مصطفى غريب، مؤكدة أن ما حدث مجرد "هزار" بين الأصدقاء. وكتبت دنيا: "بالنسبة للبوستات المنتشرة اللي مشيرة حلقتي مع أستاذة إسعاد يونس اللي أنا بقول فيها إن مصطفى غريب بيتريق عليا وبيقول عليا وحشة وده طبعاً جاب لمصطفى الكلام والشتيمة.. أولاً شكراً على دفاعكم عني بس أنا أصلاً مش زعلانة من حاجة وأنا ومصطفى صحاب ودفعة واحدة وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر".

وأضافت دنيا في منشورها الذي لاقى تفاعلاً كبيراً: "مصطفى غريب ده أقرب وأجدع وأطيب بني آدم في حياتي وحياة كل صحابه ولو قعدت أتكلم عليه من هنا لـ 100 سنة مش هيكفي والله قد إيه هو ضهري في الحياة".

وأوضحت أن ما قالته في البرنامج كان مجرد مزاح بين أي أصدقاء، مشيرة إلى أن "لو كملتوا باقي الحلقة مع أستاذة إسعاد هتعرفوا إننا مسكناه تريقه وتقطيع أكتر من اللي هو بيهزر فيه معايا بكتير".

واختتمت دنيا سامي منشورها بجملة قوية ومرحة في الوقت نفسه: "ولو سمحتوا محدش في الدنيا يشتم مصطفى غريب غيري".